Izvor: juGmedia, 01.Dec.2017, 14:33 (ažurirano 02.Apr.2020.)
Kanalizacija i asfalt ano drom – najbare manglutne e Romengoro ani mahala Šljaka
Bizo pani zbog i purani panjesiri mreža, biasvaltirime dromija i septička jame, umesto i kanalizacija, osnovna i komunalna problemija sa kola arakhenape o Roma ano niško mahala Šljaka. On vaćerena da nanolen sa o roma taro adija mahala ista komunalna problemija-ko baro kotor ki mahala o droma i asvaltirime hem ćerdi i kanalizaciono mreža. Agor, sar vaćerena, ki rig ki mahala, adari kote đivdinena o romane porodice nane asfalt sar ni kanalizacije.
Emini Saita vaćeri za ki Jugmedia >> Pročitaj celu vest na sajtu juGmedia << da najbari muka e Romem ani Šljaka isi so nane phandle ki kanalizaciono mreža, iako olatar baškarlen 100 đi o 200 metrija.
“Hari, hari pa valjani te da po 4.500 dinarija te bi bićhalen amenđe taro preduzeće”Medijana”cisterna te thoven o septička jame. Okova drom na thovdola šukar. Kad pelo jekhutno bršin odma iklistili. O ćher amaro jek dive ka perel zbog i kanalizacija, sa zalo ćher amenđe i o pani. Unuko mlo i tikoro, sar te arakha tikore ćhavore ko asavko đivdipa”, vaćeri i Emina.
Olakoro ćhavo Esed Saiti vaćheri da o Roma tari mahala Šljaka arakhlepe e predesnikoja tari komuna Lolo Trušul Miroslav Milutinović i rodinđe olestar te vazdelpe kanalizaciono mreža.
“O Predsedniko dinđa lafi da za ko biš dive amaro problemi ka počnini te rešinipe. Nane adava bari buti , ali amenđe but i majutnikano. I kanalizacija nakhel zalo amare ćhera tari jek rig i 100 metrija, a tari aver rig ko 200 metrija”, vaćeri o Saiti.
On ikalena nada da o “manuša tari komuna” akava drom ka ićherenpe ko lafi, jer sar vaćerđa, već 20 berš olesiri porodica đivdinel ani Šljaka hem but droma olenđe sare dinde lafi da olengoro problemi sa kanalizacija ka rešinen, i ko agor khanći taro adava na inele.
I manušni tari Šljaka Malina Redić dela godi da katane valjani zalo problem i kanalizacija kova isi te rešinipe i o problem taro biasvaltirime droma.
“Akate o ćherai šukar, taro zoralo material, ali muka isiamen sa i kanalizacija hem o droma. Kad perela bršin o sokaci i pherde pani hem čik. O pani tari kanalizacija ikljola avrijal , o pani taro upruno kotor thavdela ano amaro drom. Da bi ikljovaja ko “asfalt”mora te akhara čizme ili te ćhiva kese ko pre. O ćhavore dok đana ki sikavni on sa meljarenape. Akate isi but ćhavore i često namborsaljona tare vođesoro virusi jer gazinena ko melale dromija. Ima te len nesavi zaraza. Amen korkore adava te rešina našti, akate sare đivdina taro”socijalno”rovljaripe i Redićka.
Romane porodice tari mahala Šljaka vaćerena da katane ple komšijencar ka pokušinen ko dive kola avena te rešinen i o problem so stalno nane pani. O manuša tari mahala vaćerena da o pani melalo “pimnasoro pani” i svako dive i o slavine šuke zbog i purani panjesiri mreža.
O manuša tari akija niško mahala palal jek masek protestujinđe anglo ćher tari Dizikani komuna Lolo Trušul adalese so na rešinena o problem panjesoro. Ani mahala Šljaka desinipe da ko jed dive isi kvarija ko po but lokacije, a onda celo mahala vahutne nane pani.
Sa o protestija kola inele e romen tari akija mahala za akana kanći na anđa šukaripe.
Preveo: Zoran Saitović
.jpg)
